Мектебімізде биылғы оқу маусымындағы алғашқы лездеме өткізіліп, тәрбие жұмысындағы жаңа жобалар таныстырылды. Ағымдағы оқу жылынан бастап Назарбаев Зияткерлік мектептерінде «Ұрпақтар сабақтастығы», «Ұлы дала ақындары», «Замандастар жырлары», «Менің өмірімде қолданатын мақал-мәтелдер» атты төрт үлкен жоба бастау алып, іске асырылмақ. Бұдан бөлек, мектебіміздің “Ұлы Абайдың мұралары” атты төл жобасының да тұсауы кесілді. Әр жобаның оқушыға беретін танымдық-тағылымдық тәрбиесі мол.Лездемеде осы жобалардың мақсаттары мен бағыттары тереңірек түсіндіріліп, күтілетін нәтиже жайында да толық мағлұмат берілді.
Сондай-ақ оқу мен спорттық іс–шараларда жетістікке жеткен оқушыларға мақтау қағаздары табыс етілді.