Мектебіміздің 9«В» және 7«Д» сынып оқушыларынан құралған «Қасқабұлақ» шаңырағы координаторлары Әйгерім Жұманиязқызымен бірлесе отырып, әлеуметтік жобалармен айналысуда. Жуырда олар «Ақылтай» балабақшасының «Fantasy» ересек тобына шеберлік сағатын өткізді. Мақсат – балаларды сурет салуға, өнерге қызықтырып, ойын арқылы жан-жақты дамуына ықпал ету.
– Қазір балалардың бір-бірімен ойнап, қарым-қатынас жасауы азайып келеді. Оның себебі – ұялы телефон. Ол баланың денсаулығына кері әсерін тигізеді. Сондықтан «Қасқабұлақ» шаңырағы балабақша тәрбиешілеріне тәрбие жұмысында жәрдем көрсеткісі келді, -дейді щаңырақ координаторы Әйгерім Жұманиязқызы.