«SYNERGY SPORT»: ҰЛТТЫҚ ОЙЫНДАР ДОДАСЫ ҰЙЫМДАСТЫРЫЛДЫ

Мектебімізде оқушылар, ұстаздар және ата-аналар қауымдастықтарын біріктірген «Synergy sport» тимбилдингі өтті.

Командалық спорт шарасы аталған қауымдастықтардың байланысын нығайту, оларға жайлы ортаны сезіндіру, ұлттық ойындарды ұлықтай отырып, салауатты өмір салтын насихаттау бағытында ұйымдастырылды.

Қатысушылар 5 топқа бөлініп, асық ату, теңге алу, жамбы ату, арқан секіру және арқан тарту ойындарымен сынға түсті.

Эстафетикалық ойын басталмас бұрын мектептің психолог мамандары қатысушылар үшін тренинг өткізсе, «Ғажайып» би ансамблі «Ұлы дала ойындары» биімен спорттық доданы көтеріңкі көңіл күймен әрледі.

Тартысты өткен сайыс соңында өзара мықтылар анықталып, марапаттар берілді.