Көкшетаудағы NIS тірек мектептеріне әдістемелік қолдау көрсетеді

2024 жылдың қазан айынан желтоқсан айына дейін Көкшетаудағы NIS мұғалімдері Новоишим №1 орта мектебі, Макинск қаласының Балуан Шолақ атындағы мектеп-лицейі, Зеренді ауылының Мәлік Ғабдуллин атындағы мектеп-гимназиясы және Солтүстік Қазақстан облысы Ақжар ауданының Талшық орта мектебі ұжымдарына әдістемелік көмек көрсетті.

Іссапарлар барысында Көкшетаудағы NIS мұғалімдері келесі бағыттар бойынша шеберлік сабақтарын өткізді:

• STEM зертханаларында жұмыс істеу және оқушылардың жобалық қызметін ұйымдастыру;

• жаратылыстану-математика пәндері бойынша функционалды сауаттылық дамыту;

• зертханалық практикумдарды ұйымдастыру;

• мектептегі тәрбие жұмысына тиімді әдістер енгізу.

Бастама мұғалімдердің кәсіби деңгейін арттыруға, мектептер арасындағы ынтымақтастықты нығайтуға және өңірдегі білім беру ұйымдарында оқыту мен тәрбиелеудің инновациялық әдістерін енгізуге бағытталған.