Ақтаулық зияткерлер Startup Orda байқауында үздіктер қатарында

Маңғыстау облысының цифрлық технологиялар басқармасы және «Медиана» IT-компаниясымен бірлесіп, QazInnovation және AstanaHUB компанияларының қолдауымен жүзеге асқан Startup Orda байқауы өтті. Байқау қортындысы бойынша Ақтаудағы NIS-тен 5 команда өз стартап жобаларын қорғап, оның ішінде 3 команда үздіктер қатырынан көрінді. Зияткерлік мектеп оқушыларынан құралған EcoKIND, qMETA, QarapayimEmdeu командалары жеңіске жетті. qMeta – виртуалды шындықты оқыту платформасы. Платформа Oculus Quest 2 виртуалды шындық көзілдірігінде қолданылады. Мұнда атомдардың ыдырауынан бастап органикалық бөлшектердің ыдырауына дейін кез келген тәжірибені жүргізуге болады дейді команда мүшелері. qMeta командасының қатысушылары: Расул Абуов, Ақбөбек Нышанбай, Мағжан Закария, Айсұлтан Бақтығали және жетекшілері информатика пәнінің мұғалімі Мәди Медет. «QarapaimEmdeu» командасының жобасы - диагнозды анықтайтын терапевт робот және мобильді қосымшасы бар жалпы медициналық жүйе (деректерді сақтайтын медициналық портал). Жеңіске жеткен команда мүшелері: Данил Мухалев, Камила Куатова, Нұргүл Әмірхан, Ұлан Айтбай. EcoKIND командасы химия пәнінің мұғалімі Бақытгүл Жақсылықова жетекшілігімен 10 сынып оқушылары Ділшат Ришат, Ілияс Тлеужан, Абзал Қосай финалға өтті. Жеңіске жеткен командалар Астана қаласында өтетін финалға жолдама алды және болашақта AstanaHUB компаниясынан стартап жобаларына ақшалай көмек алатын болады.